Ye Paapamerugani

ఏ పాప మెరుగని - యోపావన మూర్తి - పాప విమోచకుండ = నా పాలి
దైవమా - నా పాపముల కొర - కీ పాట్లు నొందినావా                             ॥ యే పాప ॥
1. ముళ్ళతో కిరీట - మల్లి నీ శిరము పై - జల్లాటమున మొత్తిరా = ముళ్ళపోట్లకు
    శిరము - తల్లడిల్లగ సొమ్మ - సిల్లిపోతివ రక్షకా                                 ॥ యే పాప ॥
2. కలువరి గిరి దనుక - సిలువ మోయలేక - కలవరము నొందినావా = సిలువ
     నీతో మోయ - తులువలు వేరొకని - తోడుగా నిచ్చినారా                   ॥ యే పాప ॥
3. చెడుగు యూదులు బెట్టు - పడరాని పాట్లకు - సుడివడి నడచినావా =
     కడకు కల్వరి గిరి - కడ  కేగి సిల్వను - గ్రక్కున దించినావా                 ॥ యే పాప ॥
4. ఆ కాల కర్ములు - భీకరంబుగ నిన్ను ఆ కొయ్యపై నుంచిరా = నీ కాలు
    సేతులు - ఆ కొయ్యకే సూది - మేకులతో గ్రుచ్చినారా                           ॥ యే పాప ॥
5. పలువిధంబుల శ్రమలు - చెలరేగ తండ్రికి - ఎలుగెత్తి మొరలిడితివా =
    సిలువపై పలుమారు - కలుగుచుండెడి బాధ - వలన దాహంబాయెనా    ॥ యే పాప ॥
6. బల్లిదుండగు బంటు - బల్లెమున నీ ప్రక్క - చిల్లి బడ బొడిచి నాడా =
    ఉల్లోలములవలె - నల్ల నీరుబుకంగ - చల్లారె గద కోపము                     ॥ యే పాప ॥
7. కటకటా పాప సంకటము  బాపుట కింత - పటువేద  నొంది నావా =
    ఎటువంటి దీ ప్రేమ - యెటువంటి దీ  శాంత - మెటుల వర్ణింతు స్వామి       ॥ యే పాప ॥