పాపి పశ్చాత్తాపము
అపరాధిని యేసయ్య - కృప జూపి బ్రోవుమయ్యా
నెపమెంచకయె కృపలో - నపరాధములను క్షమించు ॥ అప ॥
1. సిలువకు నిను గొట్టితిని - తులువలతో జేరితిని
కలుషంబులను మోపితిని - దోషుండ నేను ప్రభువా ॥ అప ॥
2. ప్రక్కలో బల్లెపుపోటు - గ్రక్కున పోడిచితి నేనే
మిక్కిలి బాధించితిని - మక్కువ జూపితివయ్యో ॥ అప ॥
3. ముళ్ళతో కిరీటంబు - నల్లి నీ శిరమున నిడితి
నా వల్ల నేరమాయె - చల్లని దయగల తండ్రీ ॥ అప ॥
4. దాహంబు గొనగా చేదు - చిరకను ద్రావనిడితి
ద్రోహుండనై జేసితినీ - దేహంబు గాయంబులను ॥ అప ॥
5. ఘోరంబుగా దూరితినీ - నేరంబులను జేసితినీ
క్రూరుండనై గొట్టితినీ - ఘోరంపు పాపిని దేవా ॥ అప ॥
6. చిందితి రక్తము నాకై - పొందిన దెబ్బలచేత
నిందలు పెట్టితినయ్యో - సందేహమేలనయ్యా ॥ అప ॥
7. శిక్షకు పాత్రుడనయ్యా - రక్షణ దెచ్చితివయ్యా
అక్షయ భాగ్యము నియ్య - మోక్షంబు జూపితివయ్యా ॥ అప ॥
No comments:
Post a Comment